Kegiatan ini diselenggarakan oleh Program Studi Sastra Jawa Universitas Gadjah Mada dengan kerja sama bersama Osaka University yang sudah terjalin sejak tahun 2017. Tahun ini merupakan tahun ketiga kegiatan ini dilaksanakan. 

Kursus singkat bahasa Indonesia memiliki tujuan sebagai pengenalan budaya Jawa sehingga dapat meningkatkan kemampuan softskill berbahasa Indonesia, baik secara lisan dan tulisan dari hasil eksplorasi budaya Jawa di Yogyakarta dan Jawa Tengah.

Deskripsi Kursus. Kursus Singkat Bahasa Indonesia melalui Eksotisme Budaya Jawa ini adalah perwujudan pengajaran bahasa Indonesia untuk penutur asing (BIPA) yang dilaksanakan di Yogyakarta dan Jawa Tengah dengan mengundang kurang lebih 10 dosen ahli dari Asia, Australia, Eropa, dan Amerika. Kegiatan ini dihadiri oleh 27 mahasiswa Jepang dari Osaka University yang dikhususkan untuk Graduate School of Language and Culture Studies/School of Foreign Studies. Pembelajaran tersebut akan dilaksanakan selama 9 hari. 

Luaran Pembelajaran. Peserta kegiatan diharapkan mampu menunjukkan pemahaman dan mempraktikkan bahasa Indonesia secara aktif, baik dalam bentuk tertulis maupun lisan. Selain itu, peserta juga diharapkan mampu menghasilkan produk tulis baik lisan maupun lisan serta mengembangkan wawasan yang telah didapatkan selama melakukan kursus singkat. 

Metode. Metode pengajaran yang digunakan dalam kursus singkat bahasa Indonesia ini adalah kombinasi dari pertemuan tatap muka dan tatap maya. Sementara itu, proses pembelajaran dilakukan dengan pemaparan, collaborative learning, self learning, dan tugas terstruktur. Pengetahuan secara teoretis disampaikan secara asinkron (dan beberapa topik sinkronus, luring) yang kemudian dilanjutkan dengan ekskursi ke situs-situs warisan budaya. Ada pula sesi wawancara dengan mahasiswa Prodi Jawa sebagai tutor.  

Waktu dan Tempat. Pelaksanaan kursus singkat bahasa Indonesia tersebut dilaksanakan pada 16 - 24 September 2022 di Yogyakarta dan Jawa Tengah.

Jadwal Penyelenggaraan

Jadwal dapat dilihat dan diunduh melalui tautan di bawah ini:

http://bit.ly/JadwalKursusSingkat

Penulis:

Anggra Dini

Vighna Hernawan

Dening: Ahmad Nur Astha

Nalika sepisan ketemu karo sliramu

Tak sawang esem lan gemuyumu

Sing nambahi kangen sedina ora ketemu

Datan sakedhep yen nyawang netramu

            Tak gandheng tanganmu

            Nyawang ilining banyu

            Tak ungkapake rasaku

            Rasa tresna marang sliramu

Sineksen endahe lampu tengah kutha

Sliramu kandha yen bakal tresna

Nalika wayah wengi sing ngancani ngucap janji

Mendhung ing mega uga melu hanyekseni

            Duh pepujaning ati

            Amung sliramu sing tansah tak anti

            Rina lan wengi

            Tan bisa merem senadyan wus nyandhak madya ratri

Dening: Anggra Dini          

Ing sawijining dina, Sinta Dewi, Mbakyu ku sing paling ayu dhewe, ngajak aku menyang daleme Budhe Rini kanggo nyuwun ajar matematika. Mbak Sinta pancen lare sing pinter, dheweke mesthi pikantuk biji sing apik. Saiki Mbak Sinta wis paring yuswa 18 taun. Dheweke sekolah ing SMA 1 Mlati.

          “Tika, ayo melu mbak menyang daleme Budhe Rini.” dhawuhe Mbak Sinta.

          “Mangga Mbak Sin, aku ndherek Mbak Sinta. Nanging, ana apa Mbak kok kesah daleme Budhe?” pitakonku.

          “Mbak kepingin nyuwun warah saka Budhe Rini, amarga biji matematika Mbak wingi mudhun.” wangsulane Mbak Sinta.

          “Nggih Mbak, mangga, aku ndherek Mbak Sinta wae.” clathuku.

          “Aja lali gawe jaket ya Tik, amarga awakedhewe bakal bali bengi. Mbak ya uwis matur marang Bapa karo Ibu yen awakedhewe menyang daleme Budhe Rini.”

          “Siap Mbak Sinta.”

          Dadi adhine Mbak Sinta pancen nyenengake. Dheweke apikan, pangerten marang adhine, lan luhur budine. Ananging, kadhang aku mesakake marang slirane. Saben dina kudu sinau lan ajar bab kang durung bisa dimangerteni supaya ora didukani bapa lan ibu, lan bisa maringi tuladha sing apik marang adhine. Dadi Mbak Sinta pancen ora gampang, ananging dheweke bisa ngadhepi sakabehing prakara.

          Aku lan Mbak Sinta pancen cedhak saka cilik amarga ibu lan bapa nyambut dadi dosen ing Universitas Gadjah Mada, saengga wekdal sing diduweni bapa lan ibu ing omah mung wanci bengi lan nalika prei. Masiya ing omah mung wanci bengi lan nalika prei, ananging bapa lan ibu saestu tresna marang aku lan Mbak Sinta. Apa wae sing dibutuhake putrane mesthi disedyakake. Nanging bapa lan ibu duweni pangajab kanggo putrane. Apa wae sing uwis diparingake kuwi ya kanggo paring semangat ing laku ngangsu kaweruh. Aja nganti kabeh sing wis diparingi malah ndadekake lena ing laku.

          Nalika teka ing daleme Budhe Rini, Mbak Sinta sinau kanthi setiti. Ing kono aku ya ora mung meneng wae, ananging uga melu ngangsu kaweruh.

          “Assalamualaikum Budhe Rini, kula Sinta lan Tika, Budhe.” Mbak Sinta uluk salam nalika teka.

          “Waalaikumsalam Ndhuk, ayo mlebu rene.” Budhe Rini ngutus aku lan Mbak Sinta mlebu daleme Budhe.

          “Inggih Budhe.”

          “Kok dingaren ora karo Bapa lan Ibumu, durung pada bali apa kepiye?” pandangone Budhe Rini.

          “Inggih Budhe, Bapa lan Ibu dereng kondur, saengga kula kaliyan Dhik Tika sowan piyambak.” wangsulane Mbak Sinta.

          “Woalah mangkono ta, yawis dimimik dhisik kuwi es sing wis dak siapake, enak lho kuwi, Budhe dhewe sing gawe.” ngendikane Budhe Rini.

          “Inggih Budhe, kula mimik nggih.” celathuku.

          “Iya wis ta, yen kurang dak gawekake maneh.”

          Sawise mimik es sing wis digawekake Budhe Rini, Mbak Sinta nyuwun ajar bab matematika sing durung bisa dimangerteni dening Mbak Sinta. Aku uga melu sinau lan ajar bab matematika. Budhe Rini pancen wasis bab matematika, amarga dheweke lulusan S3 matematika.

          “Budhe, badhe nyuwun pirsa, menika kok saged pikantuk asil sekawanlikur kados pundi nggih Budhe?” Mbak Sinta tangklet marang Budhe Rini.

          “Sik-sik, dak delenge soale ya Ndhuk… Oalah, ngene lho iki, kene Budhe nyuwun kertas sing isih durung ana isine.”

          “Mangga Budhe kertasipun.” wangsulane Mbak Sinta.

……

          “Ngono Ndhuk cara mangsuli soale kaya ngono. Saiki coba dijajal soal sing padha ya.” ngendikane Budhe Rini marang Mbak Sinta.

          “Inggih Budhe, siap.”

          “Budhe, kula inggih badhe nyuwun ajar bab matematika menika, kula mboten saged nggarap lho Budhe.” celathuku marang Budhe Rini.

          “Kene-kene Ndhuk cah ayu, kaya apa ta angele kok ponakane Budhe iki ora bisa mangsuli?”

          “Woalah, iki carane kaya ngene lho Ndhuk, digatekake yaa.”

……

          “Woalah makaten Budhe, kok gampil nggih hehehe.”

          “Lha iya ta, Tika mung kurang setiti wae nalika ngerjakake. Mula kudu luwih setiti ya. Wis kono dijajal soal sing liyane.”

          “Inggih siap Budhe.” celathuku.

          Sawise ngangsu kaweruh menyang Budhe Rini, aku lan Mbak Sinta pamit arep mantuk amarga ya uwis bengi.

          “Budhe, kula kaliyan Dhik Tika pamit wangsul nggih, benjing kula kaliyan Dhik Tika sowan daleme Budhe malih.” Mbak Sinta pamit marang Budhe Rini.

          “Iya Ndhuk, cah ayu ayu. Ati-ati ya yen bali. Aja lali ngajak bapa lan ibumu ya yen arep rene. Budhe uga titip salam kanggo bapa lan ibumu ya.”

          “Inggi Budhe, siap. Pamit rumiyin nggih Budhe. Assalamualaikum.”

          “Waalaikumsalam Ndhuk.”

          Aku lan Mbak Sinta gegojegan ing sadawane dalan, ananging ana salah sawijining tuladha sing agawe aku trenyuh.

          “Mbak Sinta dhek mau maeme akeh apa ora?”

          “Ora Tik, Mbak Sinta mung maem saithik, amarga masakane Budhe Rini pedhes hehe.”

          “Aku ya iya e Mbak, Tika kepingin tuku ayam kentaki ing cedhak omahe awake dhewe, Mbak Sinta kersa ora?” pitakonku.

          “Wah ayo wae Tik. Sarujuk Aku.”

          “Yeay, mangga Mbak.”

          “Woiya Dhik, Mbak Sinta duwe pesen kanggo Tika.”

          “Apa Mbak?”

          “Saka Mbak Sinta, Tika kan ngerti yen saya suwe lan saya dhuwur olehe ngangsu kaweruh kuwi saya angel lakune. Mbak Sinta pesen marang Tika, kudu tetep bisa lumaku ing dalan sing bener, aja nganti gawe duka bapa lan ibu. Tika kudu bisa dadi lilin putih ing satengahing pawongan akeh.”

          “Lilin putih? Tika ora ngerti maksud ngendikane Mbak Sinta?”

          “Maksude lilin putih kuwi kaya ngene lho Tik, awake dhewe kudu bisa dadi pawongan sing bisa migunani kanggo liyan. Kapinteran sing kok duweni kuwi kudu bisa migunani uga kanggo awakmu utawa kanggo liyan. Aja dadi bocah pinter sing kuminter.”

          “Terus lilin putih kuwi kepiye Mbak?”

          “Maksude mangkene, awake dhewe kudu bisa dadi lilin putih sing migunani, masiya cilik, dheweke bisa madhangi panggonan sing peteng. Wis ngerti saiki?”

          “Woalah nggih Mbak Sinta, Tika ngerti apa maksud ngendikane Mbak Sinta. Yen Mbak Sinta kersa, Tika nyuwun Mbak Sinta terus paring piwulang ya yen Tika rumangsa kangelan utawa Tika ana salah.”

          “Iya Dhik, Mbak Sinta kan tresna marang Tika. Mbak Sinta bakal terus ngelingake Tika yen Tika salah lan bakal ngancani Tika yen Tika butuh Mbak Sinta.”

          “Matur nuwun Mbak Sinta.”

          Kaya sing uwis dak critakake, Mbak Sinta pancen uwong sing apikan lan tresna marang adhine. Mula kuwi, ora mokal yen akeh uwong seneng marang budi luhur sing diduweni Mbak Sinta. Saka Mbak Sinta, aku nyinau akeh bab ing laku salaku.

---Cunthel---

Dening: Yulian Pamungkas

      Ing Kutha Tulungagung ana bocah enom jenenge Agus. Urip wong loro karo ibune, amarga bapake wis seda nalika agus isih SD. Agus duwe kanca cedhak, jenenge Ipan. Agus dadi bocah kang bodho lan nakal. Dheweke duweni pakulinan seneng balapan liar saben bengi lan yen menang dheweke seneng ngentekake dhuwit kanggo mendem. Senajan Agus kuwi bocahe nakal, nanging dheweke isih sembada, amarga katrampilane bisa agawe dheweke kapilih dadi pasarta lomba makili Kutha Tulungagung lan menang ing kancah balapan montor Provinsi Jawa Timur. Agus duweni akeh prestasi saka balapan masiya dheweke ora tamat anggone sekolah.
      Ing taun 2020 sak dunya kena pageblug Corona. Kabeh kagiyatan akeh sing dibatalke lan akeh para buruh uga karyawan kang dipecat saka papan pagaweyane. Agus bingung amarga dheweke nganggur ora duwe bayaran. Agus biasane oleh dhuwit saka balapan lan nyambi ngewangi tanggane giling tebu.
      “Gus, Ibuk ora bisa nempur amerga dhuwit olehmu menehi wis entek.” sambate ibune Agus.
      “Banjur kepiye Buk? Njuk ora bisa madhang dina iki?” Agus mangsuli ibune.
      “Ya ora bisa Gus, coba mubenga, goleka panggaweyan supaya ana dhuwit kanggo nempur.”
      “Nggih Buk.”
      Agus mubeng desa, takon-takon panggaweyan marang tangga lan kancane. Muspra, kabeh sing ditakoni Agus padha ora bisa menehi panggaweyan. Agus leren ing pos rondha cedhak omahe. Ing pos rondha kono ya ana Ipan.
      “Seka ngendi Gus kok sajake ketok kesel?” takone Ipan.
      “Golek panggaweyan Pan, kowe saiki kerja apa?” Agus genti takon.
      “Halah padha wae Gus, teplok covid-19 kae ya rung ana gaweyan maneh.” wangsulane Ipan
      “Lha terus apa solusimu?” Agus takon menyang Ipan.
      “Mbuh ya, apa coba adewe mara ning omahe Modin, menawa dheweke ana solusi.” wangsulane Ipan.
      “Sip, yoh lek ngono, saiki wae ya ndak kesoren.”
      Agus lan Ipan banjur budhal menyang omahe Modin. Tekan omahe Modin, Agus lan Ipan langsung sambat yen lagi susah ora duwe panggaweyan.
      “Din, kowe duwe panggaweyan kanggo aku ro Ipan ora? Apa wae aku gelem tinimbang blas ora kerja.” sambate Agus.
      “Hooh Din, nyuwun tulung banget iki, makku karo make Agus wis ora kuat nempur.” Ipan ngimbuhi.
      “Piye ya Gus, Pan. Pancen iki jamane angel. Aku dhewe ya bingung karo kahanan sing kaya saiki.” wangsulane Modin.
   “Wis ta Din sembuarang pokoke, tinimbang ra ana blas mengko makku malah tambah ngamuk yen aku ora oleh panggawean.” Ipan ngeyel.
      “Yawis-yawis. Sakjane aku kepingin bangun channel youtube.” Modin mangsuli.
      “Ha piye kuwi, youtube ki kepiye?” Agus takon merga bingung.
      “Sik ta Gus, aja nyela sek ben dijlentrehake karo Modin.” Ipan nyeneni Agus.
      “Dadi adewe gawe video drama kehidupan ngono, njuk mengko diunggah ning youtube. Mengko yen akeh sing nonton adewe isa oleh dhuwit teka youtube.” wangsulane Modin.
      “Oke siap, gasss pokoke.” Agus sarujuk.
      “Aku ya sarujuk.” Ipan sarujuk.
     “Tapi ana syarate, yaiku kowe-kowe kabeh kudu leren lek mendem karo main judi. Dhuwite kudu dicelengi saengga yen kepthuk kahanan angel kaya ngene iki isih ana dhuwit.”
      “Iya, siap laksanakan bos.” wangsulane Agus karo Ipan bareng.
      Agus, Ipan, lan Modin awit anggone gawe video. Senajan mung nganggo piranti sak anane tapi dheweke padha tlaten. Katlatenan iku mau duweni asil, yaiku video-ne Agus lan Ipan viral. Modin minangka sutradara, produser, lan kameramen ya ora keri melu kondhang amarga pakaryane sing apik banget. Agus lan Ipan saya suwe saya kondhang lan akeh omah produksi film sing padha ngajaki main film bioskop. Modin yo semana uga dadi sutradara kang kondhang ning Indonesia.