Dening: M. Rafi Nur Fauzy

akeh wong kang padha têka

nggawa darma amêjang mring sireki

nyata goro kumatungkul

kagunggung sukeng tyasnya

datan dunung ing sarak sanyatanipun

mula sire den prayitna

nulya amundura kaki

Dening: Fauzan Adi Fadurrahman

Sinasmita sêrat iki

minangka criyos sih smra

pêpengêt kang wus kadados

wit ing wyata gajah mada

nagri Ngayogyakarta

kang candrasêngkalanipun

wrêkseng tlaga bêdhah tunggal

nendra raka laksanani

den wêwayang suryanira

kalaning rêm netra katon

manising esêm gupita

syara mrêdu bêbungah

pijana datan ngrêridhu

yahagen kang raka rasa

Dening: Fauzan Adi Fadlurahman

Saambrah netra kang wungu
Amung netramu sawiji
Kaya hayuning akasa
Tamba susahing pênggalih
Imbuh wuwuh rasa trêsna
Abadya langgêng ing ati

Dening:  Hafidh Ahmad

Miwiti pangkur kang sekar

Mula buka isi alam sakalir

Samodra darat lan gunung

Langit uga akasa

Kabeh mau ciptaning kang Maha Agung

Kalebu uga manungsa

Makhluk dharat lan jaladri

Kabeh mau wus cinipta

Kang minangka kanggo makhluk sakalir

Iku kodrate ywang Agung

Samya mat sinamatan

Janma kewan watu uga tanem tuwuh

Janma ingkang pinasrahan

Lestarining alam kabir

Sajatine ngudi ngelmu

Sapa wae bisa disinau

Trapsilaning tata krama nora lali

Jaya kang kudu kagayuh

Wasana mrih karahayon

Cagaking gesang puniku

Kraos suka syukur mring Hyang Luhur

Manggih ayem tentrem sajroning panggalih 

Gampil nyirnaaken bendu

Lara-lapa mesthi kawon